Garo Xuquuqdaada Marka Aad Tahay Dhibane
Xeerarka Minnesota 611A
Ka Warqab Hababka Maxkamadda
Dhibane Dambi waxa uu xaq u leeyahay in lagu wargaliyo...
- Waxa uu gunaanad kasta oo la soo jeediyay ka kooban yahay
- Wixii ah isbeddelo jadwal marka maxkamad lagaaga yeedho ama lagaa codsado inaad markhaati furtid
- Xalka ugu dambeeya ee laga gaadhay kiis dambi
- Go’aanka Xeer-ilaaliyaha in uu iska daayo dambi-ku-qaadis ku saleysan faro-saar ama dhibis
- Helitaanka amarada badbaadinta (protection orders)
- Warka ku saabsan racfaanka ama ambiilka uu qaadanayo eedeysane
Ka qaybgal Hababka Maxkamadda
Dhibane Dambi waxa uu xaq u leeyahay...
- Inuu hadal ku saabsan sida uu dambiga laga galay u saameeyay ka jeediyo maalinta xukumista eedeysanaha
- Inuu sheego diidmo ku saabsan gunaanad la soo bandhigay ama xukun la soo jeediyay
- Inuu ra’yi ka dhiibto go’aamada weecinta ah ee ka horeeya maxkamad-saaridda (pre-trial diversion decisions)*
- Inuu codsado magdhow ku saabsan kharashyada caafimaad ama waxyeelo soo gaadhay iyada oo sababtu tahay dambi lagula kacay
- Inuu codsado in loo celiyo ama loo soo gudo khasaare dhaqaale oo soo gaadhay iyada oo taasi ka mid tahay xukunka la saarayo dambiilaha
- Inuu xeer-ilaaliyaha dambiga oogaya ka codsado maxkamad-saarid dhakhso ah
- Inuu codsado in dambiilaha lagu xukumay dambi budhcadnimo leh laga qaado baadhitaan HIV*
- Inuu maxkamadda u soo bandhigo hadal, haddii eedeysanuhu uu codsanayo in laga tirtiro diiwaano maxkamadeed
Ka Badbaad Waxyeelo
Dhibane Dambi waxa uu xaq u leeyahay...
- In laga badbaadiyo hanjabaadda ama qasbidda ka imanaysa qof kasta kuna saabsan marag-kaciisa
- Goob sugitaan oo gooni ah wakhtiga hababka maxkamadda
- In laga badbaadiyo aargoosiga shaqo-bixiye marka laga rabo inuu marag furo ama uu joogo gudaha maxkamadda
- Inuu codsado fulin sharci oo lagu horjoogsanayo bixinta war lagu garan karo dhibanaha
- In aanu bixin adreeska guriga ama shaqada, lambar teleefon, ama taariikhda dhalasho marka ay socdaan hawlaha maxkamaddu, iyada oo ay maxkamaddu amarto mooyaane
- Inuu codsado in la ogeysiiyo sii-daynta dambiilaha ama wareejintiisa inta uu xabsi ku jiro
- Inuu codsado in la ogeysiiyo codsiga uu dambiiluhu ku weydiisanayo in laga tirtiro dambiga u diiwaansan
* Waxay khuseysaa dambiyo gaar ah